የቅጥር ማስታወቂያ
የኦዳ ቡልቱም ዩኒቨርሲቲ ከዚህ በፊት ባወጣው ማስታወቂያ መሠረት በተለያዩ የምክትል ፕሬዚዳንት ክፍት የስራ መደቦች ላይ የዩኒቨርሲቲው የቦርድ አመራር አመልካቾችን አወዳድሮ በቀን 03/05/2012 ዓ.ም ሹመት ሰጥቷል፡፡
በዚህም መሠረት፡-
1.ዶ/ር አሚን ሞሐመድ – የአካዳሚክ ምክትል ፕሬዚዳንት
2.ዶ/ር ኢብሳ አህመድ – የአስተዳደርና ተማሪዎች ጉዳይ ምክትል ፕሬዚዳንት
3.ረዳት ፕሮፌሰር አለማየሁ በየነ – የምርምርና ማህበረሰብ አገልግሎት ምክትል ፕሬዚዳንት
ሆነው መመደባቸውን የኦዳ ቡልቱም ዩኒቨርሲቲ ቦርድ አመራር አስታውቋል፡፡
የኦዳ ቡልቱም ዩኒቨርሲቲም አዲስ ለተመደቡ ከፍተኛ አመራሮች መልካም የስራ ዘመን እንዲሆንላቸው ይመኛል፡፡
በድጋሚ የወጣ ማስታወቂያ
ቀደም ሲል በዩኒቨርሲቲያችን የተከሰተውን አለመረጋጋት ተከትሎ የተሰጠውን የ15 ቀናት ዕረፍት ወጥታችሁ ላልተመለሳችሁ የዩኒቨርሲቲያችን ተማሪዎች ወደ ትምህርት ገበታችሁ እንድትመለሱ ከዚህ በፊት ማስታወቂያ መውጣቱ ይታወሳል፡፡
ሰላማዊ የመማር ማስተማር ሁኔታ በመኖሩ፣ ማስታወቂያውን ተከትሎ አብዛኞቹ ተማሪዎች ተመልሰው ያመለጣቸውን ትምህርት ለመሸፈን ከመደበኛው ጊዜ ጎን ለጎን በወጣው ልዩ የትምህርት መርሐ ግብር ትምህርታቸውን በመማር ላይ ይገኛሉ፡፡ ይሁን እንጂ አሁንም ወደ ትምህርት ገበታችሁ ላልተመለሳችሁ ተማሪዎች ከሳይንስና ከፍተኛ ትምህርት ሚኒስቴር ጋር በመነጋገር ይህ የድጋሚ ማስታወቂያ ማውጣት አስፈልጓል፡፡
በመሆኑም ወደ ትምህርት ገበታችሁ ያልተመለሳችሁ ተማሪዎች ለመጨረሻ ጊዜ እስከ ሐሙስ የካቲት 12/2012 ዓ.ም. ድረስ ወደ ትምህርት ገበታችሁ ተመልሳችሁ በተዘጋጀው ልዩ የትምህርት መርሐ ግብር ትምህርታችሁን እንድትከታተሉ እናሳስባለን፡፡
ማሳሰቢያ
በተጠቀሰው ቀነ ገደብ ውስጥ ያልተመለሰ ተማሪ በራሱ ፈቃድ ከዩኒቨርሲቲው የለቀቀ መሆኑን በድጋሚ ማሳወቅ እንወዳለን፡፡
ኦዳ ቡልቱም ዩኒቨርሲቲ
የካቲት 7/2012 ዓ.ም
